الخوف من السن

    انا سيدة متزوجة و ام عندي 45 سنة من سنتين تحديدا ابتدي يسيطر عليا الخوف من الزمن و الكبر ( مع اني ابدو اصغير من سني بكتير بشهادة كل الي اعرفهم ) والرغم من اني كنت بقول سني بفخر لحد 42 سنة لكن بقالي ستة او اكتر و انا جالي هوس من التجاعيد و الكبر و تغيرات الجلد و بقيت ادقق والاحظ اي تغيرات بتحصل فيا لدرجة مش طبيعية و لما الاقي حد عنده تجاعيد في منطقة اركز معاه جدا بعد كام يوم الاقي التجاعيد دي ظهرت عليا انا او العيوب الي في وشه انا وصلت لمرحلة اني بنام واصحي علي فكرة واحدة هي ازاي ارجع ببشرتي ل 5 سنيين ورا مع اني مدركة يقينا انه ما حدش بيعاند الزمن و اني لازم ارضي لكن ما بقدرش اسيطر علي تفكيري ده
    انا نسيت اقول اني كنت بتعالج من 5 سنين من مرض الخوف او نوبات الخوف و كنت باخد سيبرالكس لمدة و كنت كويسة جدا و بطلته لوحدي و رجعت للدكتور بس قالي خلاص اني مش محتاجة

    هل ده لو علاقة بالقل من السن و تغيرات البشرة ولاء و هل اروح تاني للدكتور ولا مش محتاجة

    السؤال الاهم اعمل ايه في نفسي وفي القلق ده لو ما روحتش للدكتور
    برجاء الاهتمام برسالتي لاني بتكلم مع كتير من المواقع و ما حدش بيهتم بالرد
    و جزاكم الله خيرا

يرد على هذا التساؤل دكتور محمد مختار صالح استشارى الصحة النفسية والعلاج النفسى : اهلا بحضرتك

    بدايه هذا الموضوع مرتبط ببداية مرحلة اضطراب الدورة الشهرية لدى النساء وهو ما يزيد من نسبة بعض الهرمونات المسببة للقلق اضافة الى وجود قلق مرضى...انصحك بالمتابعة مع دكتور لاحتياجك الى بعض الادوية التى تحتاجينها فى هذه الفترة..

شارك على جوجل بلس

.